Թոքաբանության ազգային կենտրոնում, ի շարս լաբորատոր այլ հետազոտությունների, կարող եք հանձնել նաև ադենոզինդեամինազի թեստ կամ ADA թեստ: Ադենոզինի դեամինազիայի (ADA) անբավարարության հիմնական ախտանշաններն են թոքաբորբը, քրոնիկ փորլուծությունը և մաշկի ընդհանուր ցանը: Այն սովորական կենսաքիմիական թեստ է՝ որոշելու ադենոզինդեամինազի ֆերմենտի մակարդակները, որոնք առկա են մարմնի հեղուկներում, ներառյալ խորխը, ողնուղեղային հեղուկները, պլևրային հեղուկները, սինովիալ հեղուկները, ասցիտները և արյան շիճուկը: Այս թեստը կարող է նշանակվել, երբ անձն ունի պլևրալ հեղուկի կուտակում և ախտանիշներ, որոնք հուշում են տուբերկուլոզի վարակի մասին: Ադենոզինդեամինազի թեստը կարող է նշանակվել որպես մի քանի թեստերից մեկը, որը կօգնի հաստատել կամ բացառել տուբերկուլոզը` որպես անձի ախտանիշների պատճառ, հատկապես, եթե հիվանդն ընկնում է բարձր ռիսկային խմբի մեջ, ինչպիսիք են.

• մարդիկ, ովքեր սերտ կապ ունեն վարակված հիվանդի հետ

 • ներգաղթյալներ` աշխարհի այն շրջաններից, որտեղ տուբերկուլոզով հիվանդացությունը բարձր է

 • 5 տարեկանից փոքր երեխաներ, ովքեր ուենն դրական տուբերկուլոզի սքրինինգային թեսթ

• մարդիկ, ովքեր աշխատում են կամ հանդիսանում են վարակի բարձր մակարդակ ունեցող խմբերի մաս, ինչպիսիք են անօթևանները

 • ներերակային դեղեր ընդունող կամ մեկ վայրում սահմանափակված մարդիկ, ինչպիսիք են հոսպիտալացված հիվանդները, բանտարկյալները և ծերանոցի բնակիչները

• թուլացած իմունային համակարգ ունեցող մարդիկ, ինչպիսիք են ՄԻԱՎ/ՁԻԱՀ-ով հիվանդները

• քրոնիկ հիվանդություն ունեցող հիվանդներ, ներառյալ շաքարախտը և երիկամների հիվանդությունները

• օրգանների փոխպատվաստում ստացողներ և իմունոպրեսանտներ ընդունող մարդիկ

• հղի կանայք, տարեցներ։

 Գործընթացից առաջ հատուկ նախապատրաստություն չի պահանջվում: Այնուամենայնիվ, եթե դուք ընդունում եք որևէ դեղամիջոց, պետք է տեղեկացնեք ձեր բժշկին, քանի որ որոշ քիմիական նյութեր, ինչպիսիք են արյան նոսրացնողները, կարող են խանգարել թեստին:

Հիշեցնենք՝ ծառայությունն անվճար է տուբերկուլոզով հիվանդների համար, որոնք մեր կենտրոն են ներկայանում ԱԱՊ օղակի կողմից տրված ուղեգրով:

 Մնացած դեպքերում ծառայության արժեքն է 5000 ՀՀ դրամ:

Լաբորատոր այլ ծառայություններին կարող եք ծանոթանալ այս հղումով՝  //pulmonology.am/services