Կենտրոնի անձնակազմը վաստակավոր հանգստի ճանապարհեց կոլեկտիվի ավագ անդամներից մայրապետեր Գոհարիկ Ալեքսանյանին, Սուսաննա Հովսեփյանին, Մարիամ Հովհաննիսյանին և պահեստապետ Գագիկ Մաթևոսյանին։ Կենտրոնի տնօրենի պաշտոնակատար Արտակ Մանուկյանը շնորհակալություն հայտնեց երկարամյա բարեխիղճ աշխատանքի ու անմնացորդ նվիրումի համար և շնորհակալագրեր հանձնեց՝ մաղթելով առողջություն և երկար տարիների կյանք։