Հարգելի՛ այցելու,
Բարի գալուստ Թոքաբանության ազգային կենտրոնի պաշտոնական կայք:
Կենտրոնն իսկապես եզակի դեր ունի ՀՀ առողջապահական ոլորտում, և թերևս մատուցում է հանրապետության մակարդակով եզակի ծառայություններ։
Թե՛ տուբերկուլոզի դեմ պայքարում, և թե՛ այլ թոքաբանական ախտորոշումների և բուժման գործում կենտրոնն արդեն որդեգրել է հիվանդակենտրոն բուժման մոտեցումը, որն անպայմանորեն շարունակելու ենք։
Վստահ եմ, որ մեր բուժառուներն այստեղ ստանալու են ոչ միայն որակավորված մասնագետների կողմից մատուցվող բարձրորակ ծառայություններ, այլ նաև հոգատար և սրտացավ վերաբերմունք, որով և հայտնի է Թոքաբանության ազգային կենտրոնը։
Միասին շարունակենք բուժառու - բժիշկ այն համագործակցությունը, որը տանում է մեզ մեր ընդհանուր նպատակին՝ բուժառուների շուտափույթ ապաքինմանը և հիվանդությունների կանխմանը։
Հարգանքով՝
Թոքաբանության ազգային կենտրոնի տնօրեն
Վահե Հակոբյան
11.07.2024
Հաստիքացուցակի փոփոխություն
Հարգելի՛ քաղաքացիներ, ՀՀ ԱՆ «Թոքաբանության ազգային կենտրոն» ՓԲԸ-ի աշխատակիցներ, տեղեկացնում ենք ձեզ, որ ՀՀ Առողջապահության նախարարի 2024 թվականի հունվարի 31-ի N 514-Ա հրամանում կատարվել է փոփոխություն: ՀՀ Առողջապահության նախարարի 2024 թվականի հունիսի 20-ի N 3389-Ա հրամանով հաստատվել է ՀՀ ԱՆ «Թոքաբանության ազգային կենտրոն» ՓԲԸ-ի նոր վարչակազմակերպական կառուցվածքը և հաստիքացուցակը:
Կարդալ ավելին
23.03.2024
Դասընթացներ ավագ դպրոցներում
Տուբերկուլոզի դեմ պայքարի համաշխարհային օրվան՝ մարտի 24-ին ընդառաջ Թոքաբանության ազգային կենտրոնը հանրամատչելի և ճանաչողական դասընթացներ անցկացրեց ք. Աբովյանի N4 և N6 ավագ դպրոցների աշակերտների և ուսուցչակազմի հետ։ Դասընթացը վարում էր թոքաբան, կլինիկական հետազոտող Հակոբ Աճեմյանը, ով տուբերկուլոզի մասին ինֆորմացիոն տարբեր աստիճաններում գտնվող ներկաներին մանրակրկտորեն ներկայացրեց ՏԲ-ով վարակվելու նախապայմանները, հիվանդության և բուժման ընդհանուր նկարագրությունը։ Դասընթացների նպատակն էր աշակերտների և ուսուցիչներին ՏԲ-ի մասին հավաստի տեղեկատվության փոխանցումը, նրանց հարցերին մասնագիտական պատասխան տրամադրելը, ինչպես նաև հիվանդության և բուժման շուրջ պտտվող ապատեղեկատվության կանխումն ու կարծրատիպերի կոտրումը։
Կարդալ ավելին
21.02.2024
Տուբերկուլոզի փուլերը
Արդյո՞ք տուբերկուլոզով վարակվելը նշանակում է լինել տուբերկուլոզով հիվանդ։ Տուբերկուլոզը (պալարախտ) մարդու օրգանիզմում հայտնվում և զարգանում է հետևյալ փուլերով՝ վարակի փուլ, գաղտնի (լատենտ) և ակտիվ տուբերկուլոզ կամ ՏԲ հիվանդություն։ Վարակի փուլ Սա տուբերկուլոզային մանրէների ներթափանցման (վարակվելու) փուլն է, երբ իմունային համակարգը սկսում է պայքարել վարակի հարուցիչների դեմ: Երբ նրան չի հաջողվում ամբողջովին ոչնչացնել մանրէները՝ վերջիններս շարունակում են բազմանալ։ Այս փուլում կարող են բացակայել տուբերկուլոզի ախտանշանները: Գաղտնի (լատենտ) տուբերկուլոզ Չնայած օրգանիզմում հարուցիչների առկայությանը, իմունային համակարգը դեռևս կանխում է դրանց տարածումը: Առկա չեն ախտանշաններ, և այս փուլում անձը վարակիչ չէ: Բայց քանի որ վարակը դեռ օրգանիզմում է, այն է և կարող է ակտիվանալ։ Եթե գտնվում եք տուբերկուլոզի առումով խոցելի (ռիսկ) խմբում, ձեր բժիշկը կարող է նշանակել ակտիվ տուբերկուլոզի զարգացումը կանխող դեղամիջոցներ: Սա սովորաբար տեղի է ունենում, եթե բուժառույի մոտ հաստատված է ՄԻԱՎ, վերջին երկու տարվա ընթացքում հիվանդացել է ՏԲ-ով, թոքանկարում ունի ռենտգենաբանական պատկերի շեղումներ, ինչպես նաև թուլացած իմունային համակարգ: Ակտիվ տուբերկուլոզ Մանրէների անկասելի բազմացումը հանգեցնում է հիվանդության զարգացման։ ՏԲ-ի այս փուլում գտնվող անձը վարակիչ է շրջապատում գտնվողների համար։ Ակտիվ տուբերկուլոզը՝ թոքերից դուրս Տուբերկուլոզի հարուցիչները թոքերից բացի կարող են ախտահարել նաև այլ օրգան-համակարգեր։ Այս երևույթը հայտնի է որպես արտաթոքային տուբերկուլոզ: Դրսևորումները կախված են ախտահարման տեղակայումից: Գաղտնի կամ ակտիվ տուբերկուլոզը կարող է հարուցված լինել նաև դեղակայուն ցուպիկներով, ինչը նշանակում է, որ որոշ դեղամիջոցներ չեն ներգործում հարուցիչների վրա:
Կարդալ ավելին
19.02.2024
Փոխնախարարը ներկայացրեց նոր ԹԱԿ տնօրենի ժամանակավոր պաշտոնակատարին
Փետրվարի 16֊ին առողջապահության նախարարի առաջին տեղակալ Լենա Նանուշյանը Թոքաբանության ազգային կենտրոնի թիմին է ներկայացրել կենտրոնի տնօրենի ժամանակավոր պաշտոնակատար Վահե Հակոբյանին։ «Պարոն Հակոբյանը երկարամյա աշխատանքային փորձ ունի առողջապահական ոլորտում։ Մենք միասին բազմաթիվ ճգնաժամեր ենք հաղթահարել և լիահույս եմ բժշկական կենտրոնի ղեկավարման և տուբերկուլոզի դեմ պայքարի մեր ընդհանուր գործում նույնպես կհաջողի»֊նշել է փոխնախարարը։ Պարոն Հակոբյանը մասնագիտությամբ բժիշկ֊վիրաբույժ է։ Երկար տարիներ աշխատել է առողջապահության նախարարությունում։ Մաղթում ենք հաջողություններ և նոր նախաձեռնումներ։
Կարդալ ավելինՀՀ ԱՆ Թոքաբանության ազգային կենտրոն ՓԲԸ
