ՀՀ ԱՆ Թոքաբանության ազգային կենտրոն ՊՈԱԿ

Ձեր երկրորդ շնչառությունը

Օգտվեք առցանց խորհրդատուի մեր ծառայությունից

Ուղղեք ձեր հարցը մեր բժշկին
ՀՀ ԱՆ Թոքաբանության ազգային կենտրոն ՊՈԱԿ

Պատվիրել

Շարժական ֆլյուորոգրաֆիա
ՀՀ ԱՆ Թոքաբանության ազգային կենտրոն ՊՈԱԿ

Համագործակցության սկիզբ

Թոքաբանության ազգային կենտրոնի և Սանկտ Պետերբուրգի ֆթիզիոպուլմոնոլոգիայի պետական գիտահետազոտական ինստիտուտի միջև
ՀՀ ԱՆ Թոքաբանության ազգային կենտրոն ՊՈԱԿ

Հարգելի՛ այցելու,

Ողջունում եմ Ձեզ Թոքաբանության ազգային կենտրոնի պաշտոնական կայքում:

Լինելով հանրապետությունում եզակի բուժհիմնարկություն իր պրոֆիլով և մատուցած ծառայությունների գծով՝ Թոքաբանության ազգային կենտրոնը որդեգրել է պացիենտակենտրոն բուժօգնության սկզբունքը: Հավատարիմ մնալով ձևավորված ավանդույթներին և հիմնվելով մեր մասնագետների բարձր որակավորմանը, երկարամյա փորձին՝ վստահությամբ պնդում եմ՝ բնակչությանը ցուցաբերվելու է համաշխարհային չափանիշներին համապատասխան մասնագիտացված և բարձր որակավորված բժշկական օգնություն:

Հարգանքով՝

Արտակ Մանուկյան

Կարդալ ավելին

ՀՀ ԱՆ Թոքաբանության ազգային կենտրոն ՊՈԱԿ
ՀՀ ԱՆ Թոքաբանության ազգային կենտրոն ՊՈԱԿ
ՀՀ ԱՆ Թոքաբանության ազգային կենտրոն ՊՈԱԿ
10.09.2021
Անձնակազմի հոգեբանական հարցման արդյունքները

🔉Այսօր մենք ամփոփեցինք մեզ համար կարևոր արդյունքներ: Կենտրոնի տնօրինության նախաձեռնությամբ՝ մեր կենտրոնի հոգեբաններ Նարինե Սիրադեղյանը և Մանե Բաղդասարյանը աշխատակիցների շրջանում անցկացրել են անանուն հոգեբանական հարցում՝ գնահատելու կոլեկտիվի բարոյահոգեբանական մթնոլորտը և բացահայտելու անձնակազմի խնդիրները, հետագայում դրանց գրագետ լուծումներ տալու նպատակով: ⁉Եվ այսօր, հոգեբան Նարինեն տնօրինությանը ներկայացրեց հարցման արդյունքները, որից պարզ դարձավ՝ 📍կենտրոնի կոլեկտիվը ոչ կոնֆլիկտային է, աշխատակիցները ձգտում են խուսափել կոնֆլիկտային իրավիճակներից, 📍իրենց աշխատանքում աշխատակիցներն առավել բավարարված են զգում, երբ մարդկանց աջակցում են, բուժում, բարելավում նրանց կյանքի որակը, 📍հետազոտության մասնակիցների մեծ մասը նպատակահարմար են համարում տարեկան 1-2 ժամանցային միջոցառումների կազմակերպումը, 📍ղեկավարների կողմից որպես աշխատանքային մոտիվացիայի բարձրացմանն ուղղված հիմնական քայլ աշխատակիցները նշել են աշխատավարձերի բարձրացումը: Հոգեբանը նաև ներկայացրեց առաջարկություններ՝ առկա խնդիրները հաղթահարելու, առավել դրական աշխատանքային մթնոլորտ ապահովելու համար:

Կարդալ ավելին
ՀՀ ԱՆ Թոքաբանության ազգային կենտրոն ՊՈԱԿ
ՀՀ ԱՆ Թոքաբանության ազգային կենտրոն ՊՈԱԿ
02.09.2021
Առցանց գիտաժողովի հրավեր

Հարգելի՛ մասնագետներ, Տեղեկացնում ենք, որ Ֆ. Գ. Յանովսկու անվան Ուկրաինայի ֆթիզիատրիայի և թոքաբանության ազգային պետական ինստիտուտը, միջազգային գորընկերների հետ համատեղ, անցկացնում է ամենամյա ազգային գիտագործնական համաժողով՝ «Դեղակայուն տուբերկուլոզով հիվանդների վարման արդի խնդիրները. միջազգային և ազգային փորձը» թեմայով: Համաժողովը կանցկացվի կրթական առցանց հարթակում National TB Hub (//nationaltbhub.com.ua/) սույն թվականի սեպտեմբերի 13-16ը: Գիտաժողովի լսարան • Ֆթիզիատրներ, • թոքաբաններ, • վարակաբաններ, • մանկաբույժներ, • կրծքային վիրաբույժներ, • սոցիալական աշխատողներ, • միջազգային հիմնադրամների ներկայացուցիչներ, • տուբերկուլոզի, ՄԻԱՎ/ՁԻԱՀ-ի, կորոնավիրուսային հիվանդության ոլորտում աշխատող բարեգործական կազմակերպությունների ներկայուցուցիչներ: Գիտաժողովի բանախոսներ Երեխաների և մեծահասակների տուբերկուլոզի, ՄԻԱՎ/ՁԻԱՀ-ի, Քովիդ-19-ի և թոքային այլ վարակիչ ու ոչ վարակիչ հիվանդությունների բժիշկներ, լաբորատոր մասնագետներ, ազգային և միջազգային մակարդակի ղեկավարներ և փորձագետներ, ասոցիացիաների և բարեգործական կազմակերպությունների ներկայացուցիչներ: Գիտաժողովի արդի հարցեր • ԱՀԿ վերջին միջազգային առաջարկությունները դեղակայուն տուբերկուլոզի հայտնաբերման, ախտորոշման և բուժման նոր մեթոդների ներդրման վերաբերյալ, • տուբերկուլոզով հիվանդների համար փոփոխված կարճաժամկետ բուժման ռեժիմների արդյունավետության վերաբերյալ գործառնական հետազոտություններ, • դեղակայուն տուբերկուլոզով հիվանդների վարում հատուկ իրավիճակներում (երեխաների մոտ, հակատուբերկուլոզային դեղամիջոցների անբարենպաստ ռեակցիաներ, տուբերկուլոզի և ՄԻԱՎ-ի համատեղ վարակ, տուբերկուլոզի ծանր ընդհանրացված գործընթացներ, միկոբակտերիոզ, ասպերգիլոզ), • անհատականացված բուժման ռեժիմների առանձնահատկությունները, • բազմադեղակայուն տուբերկուլոզով հիվանդների նպատակային սոցիալական աջակցությունը՝ որպես արդյունավետ բուժման գրավական, • Քովիդ-19 և տուբերկուլոզ. համաճարակի առանձնահատկությունները: Գիտաժողովի ձևաչափը 8 հիմնական դաս՝ ամեն օր Երևանի ժամանակով ժամը 11.00-15.00, 8 վարպետության դաս՝ ամեն օր Երևանի ժամանակով ժամը 15.00-17.00: Հիմնական դասընթացին մասնակցելու դեպքում մասնակցին կտրվի վկայական (20 կրեդիտային միավոր) և վարպետության դասի համար լրացուցիչ 10 կրեդիտային միավոր: Գիտաժողովի լեզուն Ուկրաիներեն և անգլերեն (շնորհանդեսների համաժամանակյա թարգմանություն): Գրանցում Գիտաժողովի առցանց գրանցումը (վարպետության դասերի առանձին գրանցմամբ) հասանելի է մինչև սեպտեմբերի 10-ը՝ (Հայաստանից գրանցվելու համար օգտվել անգլերեն տարբերակից). Գրանցման հղումը՝ //nationaltbhub.com.ua/registration/13092021-16092021: Հաջող գրանցումից հետո դուք կստանաք նամակ, որը հաստատում է ձեր գրանցումը: Հանդիպումից մեկ շաբաթ առաջ կստանաք նաև հանդիպմանը միանալու Zoom հրավեր: Գիտաժողովի ծրագրին կարելի է ծանոթանալ National TB Hub (//nationaltbhub.com.ua/) հարթակում՝ «Ընթացիկ իրադարձություններ» բաժնում:

Կարդալ ավելին
ՀՀ ԱՆ Թոքաբանության ազգային կենտրոն ՊՈԱԿ
ՀՀ ԱՆ Թոքաբանության ազգային կենտրոն ՊՈԱԿ
31.08.2021
Նորաբաց բաժանմունքի աշխատանքը

Թոքաբանության ազգային կենտրոնի նորաբաց Թոքաբանության բաժանմունքն արդեն հասցրել է դուրս գրել տասնյակից ավել առողջացած պացիենտների: Օրեր առաջ մեր կենտրոն էր դիմել 66 տարեկան տղամարդ, ով ընդունվելիս եղել է ծանր, քանզի վերջին 10 օրվա ընթացքում անընդմեջ ջերմել է (մինչ 400) և գանգատվել է հևոցից, շնչահեղձությունից, օդի պակասի զգացողությունից, հազից՝ մածուցիկ, թարախային բնույթի խորխարտադրությամբ: Ընդունման պահին պացինետն ուներ մարմնի 390 ջերմություն, իսկ սատուրացիան՝ 77% էր: Պացիենտն ուներ նաև մի շարք ուղեկցող հիվանդություններ՝ շողացող առիթմիա, քրոնիկ սրտային անբավարարություն, թոքային հիպերտենզիա, քրոնիկ թոքային օբստրուկտիվ հիվանդություն՝ սրացման փուլում, ինչպես նաև մնացորդային փոփոխություններ կլինիկորեն բուժված տուբերկուլոզից հետո՝ ձախ թոքում ֆիբրոզի, պինդ օջախների տեսքով: Թոքանկարով նկարագրվել է աջակողմյան թարախակալվող թոքաբորբ ինֆիլտրացիայի մեծ տեղամասով, աջից պլևրալ խոռոչում հեղուկի առկայությամբ: Արյան քննությամբ առկա էր լեյկոցիտոզ 54.000 109 մկլ (նորմա՝ 4000-10000 109 մկլ): Տղամարդն անմիջապես հոսպիտալացվել է և, սրտաբանի խիստ հսկողությամբ ու բժիշկ-ֆթիզիատր Ռուզաննա Գրիգորյանի արդյունավետ բուժման շնորհիվ, 10 օրվա ընթացքում դիտվել է ընդհանուր վիճակի լավացում, որը բնութագրվել է՝ • կլինիկական տվյալների լավացումով (գանգատներ չի նշում, բացի եզակի հազից աննշան խորխարտադրությամբ), • լաբորատոր տվյալների դրական դինամիկայով (54.000-ից 11.000 109 մկլ), • թոքանկարով՝ խոռոչի փոքրացումով և ինֆիլտրացիայի զգալի ներծծումով, • սատուրացիայի բարձրացումով (77%-ից 95%): Պացիենտը դուրս է գրվել ապաքինված և մեծ գոհունակությամբ:

Կարդալ ավելին

ՀՀ ԱՆ Թոքաբանության ազգային կենտրոն ՊՈԱԿ

ՀՀ ԱՆ Թոքաբանության ազգային կենտրոն ՊՈԱԿ
Հասցե՝ Կոտայքի մարզ, քաղաք Աբովյան, Արզնու խճուղի 10
ՀՀ ԱՆ Թոքաբանության ազգային կենտրոն ՊՈԱԿ
Հեռ` (0222)2-02-22
ՀՀ ԱՆ Թոքաբանության ազգային կենտրոն ՊՈԱԿ
Էլ․ փոստի հասցե` * info@pulmonology.am