ՀՀ ԱՆ Թոքաբանության ազգային կենտրոն ՓԲԸ
Ձեր երկրորդ շնչառությունը
Ձեր երկրորդ շնչառությունը
Թոքաբանության ազգային կենտրոնում գործող Համակարգչային շերտագրման և ճառագայթային ախտորոշման բաժնում, շնորհիվ տարիների մասնագիտական մեծ փորձ ունեցող ու արհեստավարժությամբ աչքի ընկնող մասնագետների՝ բժիշկ-ռենտգենաբանների, մատուցվող ծառայությունները մեծ պահանջարկ ունեն ինչպես տարածաշրջանի, այնպես էլ Հայաստանի ազգաբնակչության շրջանում:
Մեր կենտրոնի Ճառագայթային բաժինը հագեցած է ռենտգեն-ախտորոշման ոլորտում միջազգային չափանիշներին համապատասխանող արդի սարքավորումներով՝ հանրաճանաչ Canon և SHIMAZDU ապրանքանիշերի լավագույն թվային ռենտգենյան սարքերով: Այդ սարքավորումները թույլ են տալիս արագ ստանալ բարձր որակի պատկեր: Canon Zexira թվային բարձրակարգ ռենտգենյան սարքը հատկապես աչքի է ընկնում իր հզորությամբ և բազմաֆուկցիոնալությամբ: Ճառագայթային չափաբաժինների նվազեցման շնորհիվ, ռենտգեն հետազոտությունը կատարվում է պացիենտի ճառագայթահարումը հասցելով նվազագույնի՝ միաժամանակ պահպանելով պատկերի բարձր որակը: Այս ապարատն ունի նաև հատուկ մանկական ռեժիմ՝ տարբեր տարիքի երեխաների՝ ճառագայթահարման նվազեցված ազդեցությամբ հետազոտելու համար:
Ճառագայթային ախտորոշման բաժինը առաջարկում է տարատեսակ ռենտգենաբանական հետազոտություններ, որոնցից առավել մեծ տարածում ունեն՝
Ճառագայթային ախտորոշման բաժինն առաջարկում է նաև կրծքավանդակի օրգանների ռենտգենյան լուսանցում, ինչպես նաև շարժական թվային ֆլյուորոգրաֆիա, որն այսօր ՀՀ-ում աննախադեպ է: Տվյալ հետազոտությունը դեռ Խորհրդային Միության տարիներին մեծ կարևորություն ունեցող ճառագայթային հետազոտոթյան մեթոդ էր, որի շնորհիվ հայտաբերվում էր ոչ միայն տուբերկուլոզը, այլև այլ տարաբնույթ թոքային հիվանդություններ, այդ թվում նաև ուռուցքաբանական: Մեր կենտրոնի գերժամանակակից թվային շարժական ֆլյուորոգրաֆը թույլ է տալիս կատարել թոքերի պրոֆիլակտիկ ուսումնասիրություններ՝ օգտագործելով մեծ չափի թվային պատկերներ: Հարկ է նշել, որ ֆլյուորոգրաֆիա անց է կացվում կառավարության որոշմամբ սահմանված կազմակերպությունների աշխատակիցների պարտադիր բուժզննման կազմակերպման շրջանակներում:
Ճառագայթային ախտորոշման բաժնի առաջնահերթ նպատակներից է ընդլայնել իր ծառայություների ցանկը և պացիենտներին մոտ ապագայում առաջարկել նաև համակարգչային տոմոգրաֆիա (շերտագրում)՝ ժամանակակից գերհզոր սարքավորումներով:
2019 թվականին Ճառագայթային ախտորոշման բաժնի ղեկավարումը վստահվեց Հարություն Սամվելի Ալեքսանյանին, ով ավելի քան 10 տարի աշխատում էր մեր կենտրոնում և համարվում էր տարածաշրջանի ամենապահանջված բժիշկ-ռենտգենաբաններից մեկը: Նա, որպես որակավորված և ռենտգենոգրաֆիայում հմտացած մասնագետ, կարողանում է ճիշտ «կարդալ» նկարը և տալ հստակ ախտորոշում:
