Թոքաբանության ազգային կենտրոնի նախաձեռնությամբ վիրաբուժության և արտաթոքային տուբերկուլոզային բաժանմունքի բժիշկ-վնասվածքաբան Նարեկ Սարգսյանը մեկամսյա դասընթացի է մասնակցել ՌԴ Սանկտ Պետերբուրգ քաղաքի Ֆթիզիոպուլմոնոլոգիայի պետական գիտահետազոտական ինստիտուտում: Վերապատրաստման դասընթացի թեման էր «Ոսկրահոդային տուբերկուլոզի ակտուալ հարցերը»:

Բացի տեսական գիտելիքների ամրապնդումից, մեր մասնագետը նաև գործնականում է ապացուցել իր հմտություններն` առանց կողմնակի միջամտության իրականացնելով վիրահատություններ:

Թոքաբանության ազգային կենտրոնը կարևորում է երիտասարդ մասնագետների շարունակական մասնագիտական զարգացումը, բժշկագիտության մեջ փորձի փոխանակման անհրաժեշտությունը և գործնականում մասնագիտական հմտությունների կիրառումը:

//pulmonology.am/staff/narek-sargsyan